年三十晚那天有朋自遠方來
身為好客的香港人當然要盡地主之宜帶他四處遊覽
途中經過擺花街附近的蘭芳園
一杯凍奶茶居然脹價到20大洋一杯, 憑咩?
加上我對港式奶茶並無好感
我寧願買一杯天仁茗茶的珍珠奶茶仲有兩蚊找都無咁嬲
上到久違的山頂
第一眼見到的就是大大隻翠華的LOGO
山頂不斷的商業化是意料中事
只是我從來都無想過要上山頂吃茶餐廳啫
以前我上山頂是為了吃貴價菜
如果現在要我上山頂吃翠華
我會好唔開心
晚上真的是試試香港地道的茶餐廳
其實問我現在那一家茶餐廳最地道?
我真的不知道
翠華可以彈開 (我對翠華的仇恨太過根深柢固)
太興又不是梗有一間喺你左近
前陣子試過澳門茶餐廳還不錯, 不過名字叫澳門就不香港了
所以我們就去了尖沙咀的源記
入去坐低就被告知炒粉麵飯通通無 (第一次想反枱)
之後打算叫一個四寶飯, 又話無 (第二次想反枱)
最後點了:
燒鵝油雞飯 - 油雞算正常, 燒鵝不好吃, 飯是凍冰冰的
雲吞麵 - 算最好的一道菜, 不過湯有點腩汁味就變得怪怪了 (我不吃牛不吃內臟架, 玩野牙???)
菠蘿油 - 又是凍冰冰, 色澤暗沉不健康, 最嬲就是要14蚊一個, 又憑咩?
結果, 這三道菜就成了我的團年飯
你教我怎會不想反第三次枱呢?
而到了年初一至三就不停吃糕點
我是吃素的蘿蔔糕
因為我不吃臘肉和蝦米
這間素食店的蘿蔔糕都能保持一貫水準
所以無啥要投訴
至於年糕就大件事了
為甚麼食了兩盒不同款都覺得不好吃
往年來自大澳的那一款水準甚高啊
不知何解今年好似用了代糖般
一點甜味都無 (新年不就是不理膽固醇、血糖指數的最佳時節嗎?)
令人最驚喜的是年初四凌晨三點與弟驅車前往深水埗掃街
其中一檔的印度燒雞 (Tandoori) 非常好味
這絕對不是平常掃街能見到的美食
然而如果香港掃街能夠合法化的話
這檔印度燒雞一定可以永久列入掃街美食表上
另一檔最多人排隊的就是即點即製腸粉
其實不是特別好味
大家排長龍一定只是貪過癮
還要25蚊一碟, 真係好過去搶
經過新年這幾天的肆無忌憚
一切又要回歸起點
希望下一次的喪食之期會食到好似印度燒雞般驚喜的食物
而不再是凍的燒味飯和無甜味的年糕呢
0 comments:
Post a Comment