食物中伏

我平時好少重複犯錯
試過一次覺得難食既野都唔會再敢掂
所以我既揀飲擇食惡習係有愈來愈嚴重的趨勢
不過呢兩個月來我居然罕有地俾同一樣食物偷襲
令我感到徹底的失敗
事緣上個月在羅馬尼亞提米索拉街頭的一間麵包店見到一條長龍
因為香港人見隊就排的精神推動下
我就盲目地跟大隊一齊排
之前去羅馬尼亞已吃過一個好好食的麵包
心諗呢間都唔會差得去邊掛
點知當我一大啖咬落去的時候
裏面的蜜桃味果醬多到滿溢出來
如同白先勇口中的嘉陵江漲大水一樣
麵包本來好好味
但加了蜜桃味果醬就真係難食到不得了
同埋一大清早就唔會想食甜野
為左唔浪費那已付的2 lei (完全唔係怕浪費食物)
我就頂硬上食晒佢
食完就同自己講: 真係好難食好難食呀 (白雪tone)
而剛剛過去的5分鐘
老媽叮囑自己在家中的雜物櫃 (其實佢真身係一個焗爐) 有一個檸檬包
又當我一大啖咬落去的時候
我又食到那陣久違的嘔心蜜桃味
天啊! 點解我愈唔想食既野你愈係要逼我食呀!!!!!!
蜜桃味果醬真係好難食呀!!!!!!!!!!!!!!!!!!!!!!!!!! (火已發)